Қазақстан мен Вьетнам арасында әуе қатынасы қайта жанданады

Қазақстанның Индустрия және инфрақұрылымдық даму министрлігінің Азаматтық авиация комитеті: "Биыл қыркүйек айының аяғында Қазақстан мен Вьетнам арасында әуе қатынасы қайта жанданады",-деп хабарлады.

Қазақстанның Азаматтық авиация комитетінің хабарлауынша, биыл қыркүйек айының аяғында Вьетнамның VietJet Air компаниясы Airbus A-330 ұшақтарымен аптасына екі рет Камрань-Нұр-Сұлтан және Камрань-Алматы бағытында қатынайтын болады.

VietJet Air компаниясы Вьетнамның арзан әуе компанияларының бірі саналады. Ол әлемнің 10 еліне қатынайды.