Қазақстан Кабулдағы лаңкестік әрекетті айыптады
Қазақстан Ауғанстан астанасы Кабулдағы Ресей елшілігінің жанында ресейлік дипломаттардың өліміне әкеп соққан лаңкестік әрекетті қатаң айыптады.
Қазақстанның Сыртқы істер министрлігі мәлімдеме жасап: «Қазақстан 2022 жылдың 5 қыркүйегінде Кабулдағы Ресей елшілігі ғимаратының маңында ресейлік дипломаттардың қаза болуына әкелген лаңкестік әрекетті қатаң айыптайды. Қазақстан Ауғанстан тарапының осы оқиға бойынша жан-жақты тергеу жүргізіп, кінәлілерді заң аясында қатаң жазалауы, сондай-ақ Ауғанстанда тұратын елшіліктер мен шетел азаматтарын қорғауды қамтамасыз ету үшін қажетті шараларды қабылдау қажет деп санайды»,- деп жариялады.
Дүйсенбі күні түстен кейін Кабулдағы Ресей елшілігінің маңындағы лаңкестік әрекеттен кем дегенде 15-20 адам қаза тапты немесе жараланды.
