Қазақстан мен Оңтүстік Корея арасында медицина саласында ынтымақтастық кеңейеді

Қазақстан мен Оңтүстік Кореяның Денсаулық сақтау министрліктері өкілдерінің Сеулдегі кездесуінде фармацевтика және медициналық қызметкерлерді оқыту саласында әріптестікті арттыру керегін баса айты.

Қазақстан мен Оңтүстік Кореяның Денсаулық сақтау министрліктерінің өкілдері екі елдің медициналық қызметкерлерінің құжаттары мен сертификаттарын өзара растау туралы пікір алмасты.

Екі елдің медициналық қызметкерлерінің құжаттары расталған жағдайда Кореядан тәжірибе алған дәрігерлерге Қазақстанның емханаларында жұмыс істеуге және университеттерінде сабақ беруге рұқсат беріледі.

Қазақстан мен Оңтүстік Корея денсаулық сақтау, инженерия, құрылыс, тамақ өнеркәсібі, электроника, мұнай мен газ өнеркәсібі салаларында бір-бірімен әріптесіп келеді.