Палестиналық шәһидтер саны 1572 адамға жетті
Қаз 13, 2023 17:05 Asia/Almaty
Палестина Денсаулық сақтау министрлігінің есебіне сәйкес, сионистік режимнің Газа секторы мен Иордан өзенінің батыс жағалауындағы халыққа жасаған басқыншылығынан құрбан болғандар саны 1572 шәһид пен 7262 жараланған.
Осы уақытта Иордан өзенінің батыс жағалауында қаза тапқандар саны 35 адамға және 650-ден астам жаралыға жетті, жараланғандардың 210-ы ауруханаларға жеткізілді.
Бүгін таңертең Израиль жойғыш ұшақтары Газа секторының солтүстік-батысы мен солтүстігіне шоғырланып, әртүрлі аймақтарға ондаған ауыр шабуыл жасады. Басқыншы режим армиясының артиллериясы Газа секторының оңтүстігіндегі Рафах және Хан Юнис аудандарын да бомбалады.
