Ливанның оңтүстігіне сионистер фосфорлы оқ-дәрімен ауыр шабуыл жасады
Жел 06, 2023 17:31 Asia/Almaty
Израиль армиясы сәрсенбі күні таңертең Ливанның оңтүстігіндегі шабуылдар кезінде тыйым салынған фосфор бомбаларын қолданды.
Әл-Минар арнасының Оңтүстік Ливандағы тілшісі сионистердің Мис әл-Джабал мен Хоула арасындағы әл-Мағарик аймағын нысанаға алғанын хабарлады. Әл-Минар сонымен қатар сионистік режим армиясының Ливанның оңтүстігіне жасаған осы ауыр шабуылдарында тыйым салынған фосфор бомбаларын қолданғанын айтты.
Бірнеше минуттан кейін Хизболланың қарсыласу қозғалысы да басып алынған Палестинаның солтүстігі мен Ливанның оңтүстік шекарасы маңындағы сионистік режимнің бірқатар базаларына шабуыл жасау сәттерінің бейнесін жариялады.
