Сирияда ДАИШ-тың америкалық және израильдік қаруларының бірнеше ірі қоры табылды
Сирияның шығысындағы Дейр эз-Зор облысының лаңкестердің бақылауынан азат етілген Майадин қаласында ДАИШ лаңкестік тобының АҚШ пен Израильде шығарылған қару-жарағының бірнеше ірі қоры табылды.
Russia Today арнасы жексенбі күнгі кеше ДАИШ тобының бақылауынан толық азат етілген Майадин қаласынан таратқан мәліметінде: "Майадин қаласының аудандарының бірінде ДАИШ тобының АҚШ пен Израильдің таңбалары бар қару-жарағының бірнеше ірі қоры табылды",- деп хабарлады.
Сирия армиясының Майадиндегі қолбасшыларының бірі Реми Маус бұл туралы: "Майадинде ДАИШ лаңкестік тобы АҚШ, Израиль және кейбір Батыс мемлекеттерінен алған жеңіл және ауыр қару мен бронетранспортерлері бар бірнеше ірі қорға ие болды",- деді.
Осы салада Ресей Қорғаныс министрлігінің баспасөз хатшысы Игроь Конашенков: "Сирия армиясының оперативтік бірліктері Майадин қаласындағы ДАИШ лаңкестеріне соққы беріп, бұл қаланы ДАИШ-тың бақылауынан толық азат етті. ДАИШ лаңкестерінің қаланың ортасы мен оңтүстігіндегі жуырдағы қарсыласуы да сәтсіздікке ұшырады",- деп қуаттады.
