Асад: Сирия армиясының жеңістері дағдарысты саяси жолмен шешудің тездетілуіне себеп болады
Сирия президенті Башар Асад «Спутник» ақпарат агенттігіне берген арнайы сұхбатында Сирия араб армиясының Ресейдің демеушілігімен жеткен табыстары Сириядағы дағдарысты саяси жолмен шешуді жылдамдататынын айтып:
«Сирия дағдарысын шешу үшін қол жеткізілген мүмкіндіктен айрылып қалмау үшін Дамаск Женева келіссөздерінде орамдылық танытады.
Сирия армиясының табыстары және Ресей армиясының демеушілігі Сирия дағдарысын шешу жолында кедергі болмайтындығымен қатар осы үдерісті жылдамдатады.
Біз бен Ресейді айыптаушылар Ресейдің лаңкестікке қарсы соғысқа атсалысуын Сирия президентін немесе үкіметін қолдауға араласудың бір түрі деп көрсетуге тырысып, соған сәйкес осындай атсалысуды Сириядағы саяси үдеріс жолындағы кедергі деп атағылары келеді. Егер біз басынан орамдылық танытпағанда олар осы жолда табысқа жетуі мүмкін еді» деп мәлімдеді.
