Сейед Хасан Насролла: АҚШ-қа сену - ақымақтық
Ливан Хизболласының Бас хатшысы АҚШ-тың әртүрлі елдердің халқына қарсы көптеген қылмыстар жасағанына тоқталып, АҚШ-қа сенім артудың надандық және ақымақтық екенін айтты.
Fars ақпарат агенттігінің хабарлауы бойынша, Сейед Хасан Насролла кеше, сейсенбі күні Әл-Джарих күніне (Ардагерлер күні) орай сөйлеген сөзінде Украина мен Ресейдегі дағдарысқа тоқталып, оны бүгінгі күннің ең маңызды оқиғасы атап: «АҚШ пен Ұлыбритания Украинаны соғысқа итермеледі. Өйткені АҚШ президенті елінің басымдығы Ресей және Қытаймен соғысу екенін мәлімдеген болатын. АҚШ-тың жоспары Украинаны кез келген жолмен соғысқа итермелеу және бұл ел мен Ресей арасындағы кез келген келісімге жол бермеу болды»,- деді. Насролла Украина президентінің Батыстың елді жалғыз тастап кетті деген сөздеріне де назар аудартып: «Украина президентінің бүгін көңілі қалды, өйткені ол АҚШ-тан ешқандай көмек көрмеді. Америкалықтар тіпті Украинаға бірде-бір сарбаз жібермейтіндерін айтты. Сондықтан Украина президенті Мәскеудің талаптарын қарастыруға дайын», - деп мәлімдеді.