Палестина жастары әл-Ақса мешітінде сионистермен қақтығысты
Бүгін, жексенбі жүздеген сионистік сарбаз бен қалашық тұрғындары әл-Ақса мешітінің ауласына басып кіріп, палестиналық намазхандарды қуып шығуға тырысты.
Палестина жастары «Жанымызды, қанымызды саған пида етеміз, әл-Ақса!» деп ұрандатып, әл-Ақса мешітінде сионистік режимнің әскери күштеріне табанды қарсылық білдірді. Сионистер күш көрсетіп, намазхандарды қамауға алу арқылы палестиналықтарды осы мешіттіің ауласынан қуып шығып, олардың иғтикафын тоқтатқысы келді.
Al-Mayadeen телеарнасы сионистік әскерилердің палестиналықтарды әл-Ақса мешітінен қуып шығу үшін пластикалық оқтар мен дыбыстық бомбалар атқанын хабарлады. Бұған қарамастан, палестиналық жастар басып алынған Құдстың Баб-ул-Асбат ауданында қалашық тұрғындары мінген автобустарға тас лақтырды. Сионистік ақпарат құралдары лақтырылған тас салдарынан 5 қалашық тұрғынының жарақаттанғанын хабарлады.
Хамас қозғалысы сионистерге ескерту жасап: «Палестина халқы барлық салада басқыншылар мен олардың қылмыстарына қарсы тұрады. Олар әрқашан Бейт-ул-мұқаддас пен әл-Ақса мешітін қорғауға дайын»,-деп мәлімдеді.
