Сирия Америка мен Францияның Хан-Шейхун оқиғасы туралы есебіне наразылық білдірді
Сирияның СІМ Америка мен Францияның Сирияның Хан-Шейхун аймағындағы оқиға туралы ан-Носрат лаңкестік тобының серіктестігімен әзірленген есебін айыптады.
Сирияның хабар агенттігі SANA-ның мәліметі бойынша Сирия СІМ-гі жауапты басшылардың бірі Франция СІМ-нің Хан-Шейхун оқиғасы туралы 2017 жылдың қараша айының 24 күнгі мәлімдемесін теріске шығарып: «Америка мен Батыс елдерінің Дамаскке көбірек саяси қысым жасау мақсатындағы нұсқауларын жүзеге асыру және лаңкестердің қылмыстары мен Хан-Шейхун оқиғасын жүзеге асырушыларды жасыру бағытында жасалған ортақ зерттеулердің нәтижелері қабылданбайды» деді.
БҰҰ Қауіпсіздік кеңесіндегі Ресейдің өкілі Владимир Сафронков Сирияның Хан-Шейхун аймағында орын алған оқиғаға қатысты есепті лаңкестер тарапынан ұсынылған мәліметтерге негізделген деп атады.
2017 жылдың сәуір айының 4 күні Сирияның Идлиб облысындағы Хан-Шейхун аймағында жасалған химиялық шабуылда 100-ден астам адам қаза болып, шамамен 400 адам зардап шекті.
