Ресейдің Сочи қаласында «Сирияның ұлттық диалогының конгресі» аяқталды
"Сирияның ұлттық диалогы конгресі" атты Сочиде өткен халықаралық отырыс сейсенбі күні кешке мәлімдеме шығарып, өз жұмысын аяқтады.
"Фарс" ақпарат агенттігінің мәліметі бойынша, бұл мәлімдемеде Сирияның территориялық тұтастығы мен ұлттық егемендігінің сақталуы қуатталып, тек Сирия халқының демократиялық құрал, яғни сайлауға қатысу арқылы ғана елінің келешегін шешетіні қуатталды. Сочи мәлімдемесі бойынша, Сирия армиясы сақталып, елдің Конституциясына сәйкес, нақты айтқанда елдің шекаралары мен халқын кез келген қоқан-лоққыдан қорғау міндетін атқарады. Сондай-ақ, құжатта үкімет пен наразылардың өкілдерінің қатысуымен ел Конституциясына өзгеріс енгізу мақсатында Конституциялық комитет құрылып, БҰҰ бақылауы және Қауіпсіздік кеңесінің №2254 қарары бойынша Сирия дағдарысын саяси жолмен шешуге көмектесуі қуатталды.
