Мунесан: Иранның АҚШ-тағы дипломатиялық және құқықтық саладағы талпыныстары жеңіске жетті
Иранның Мәдени мұра, қолөнер және туризм ұйымының басшысы АҚШ-тың Жоғары сотының ахеменидтік кезеңнен қалған тақтайшалардың тәркіленбеуіне оң шешім қабылдауының жалғасында: "Бұл әрекет Иранның дипломатиялық және құқықтық салалардағы талпыныстарының үлкен жеңісі мен нәтижесі саналады",- деді.
Иранның Мәдени мұра, қолөнер және туризм ұйымының басшысы АҚШ-тың Жоғары сотының ахеменидтік кезеңнен қалған тақтайшалардың тәркіленбеуіне оң шешім қабылдауының жалғасында бұл әрекетті Иранның дипломатиялық және құқықтық салалардағы талпыныстарының үлкен жеңісі мен нәтижесі деп атады.
АҚШ-тың Жоғары соты сәрсенбі күні үкім шығарып, лаңкестік құрбандары саналатын отбасыларға өтемақы төлеу үшін Иранның көне ескерткіштерін тәркілеуге қарсылық білдірді. Бірінші инстанциялы сот мұның алдында осы үкімді Иранның пайдасына шығарған болатын.
Әли Асғар Мунесан осы іс-құжаттың өткеніне сілтеме жасап: "Иранның ахеменидтік кезеңіне жататын тақтайшалары туралы мәселе 84 жыл бұрын басталған. 1933 жылы Иран мен АҚШ-тың мамандары "Тахте Джамшид" кешеніндегі бірлескен қазба жұмыстары кезінде бағалы ескерткіштерге қол жеткізді. Бекітілген заңға сәйкес, табылған ескерткіштер Иран мен АҚШ арасында бөлінуі тиіс болған",- деді.
Иранның маңызды мәдени ескерткіштері 1930 жылдардан бастап Чикаго музейінде сақтаулы. Бұл тарихи ескерткіштер балшықтан жасалған тақтайшалар ахеменидтер кезеңіне, соның ішінде Дарий билік еткен кезеңге жатады. Тақтайшаларда экономикалық мәселелерге қатысты шығындар, соның ішінде тауар сату және сатып алу, тауарды қабылдап алу және жалақы секілді мәліметтер жазылған.
