АҚШ-тың Украинаның шығысында соғыс отын өршітудегі жаңа әрекетін сараптау
АҚШ Мемлекеттік департаментінің ақпарат хатшысы дүйсенбі күні Украинаға танкке қарсы Джавелин зымыран кешендерін жібергені туралы хабарлады. АҚШ соңғы бірнеше жылдың ішінде Украинаның батысшыл үкіметіне қолдау көрсету мақсатында әскери салаға миллиондаған доллар қаржы бөлді. Украинадағы АҚШ-тың елшісі Мэри Йовановичтің айтуынша, Вашингтон 2014 жылдан бастап қазіргі кезге дейін Киевке қауіпсіздік саласында көмектесу үшін 850 миллион доллар қаржы жұмсаған.
АҚШ президенті Дональд Трамптың 2017 жылдың желтоқсан айында қол қойып бекіткен АҚШ-тың 2018 жылғы әскери саланың бюджетінен Украинаға қауіпсіздік саласында қолдау көрсету үшін 350 миллион доллар бөлінген. 2018 жылы наурыздың басында АҚШ Мемлекеттік департаменті мұның алдында Украина өтініш жасаған құны 47 миллион долдарды құрайтын танкке қарсы "Джавелин" зымыран кешендерін сату туралы шартқа келісім берді. Қырғынға ұшырататын қару қатарына кіретін бұл зымырандарды Украинға жіберу Вашингтонның Украинаның шығысында соғыс отын өршітуге бағытталған жаңа әрекеті саналады. Америка мұндай әрекеттері арқылы Украинадағы құзырын арттырып, осы елдегі өзгерістерге, әсіресе Украинаның шығысындағы қақтығысқа барынша ықпал етуді көздеп отыр. Ресей СІМ-нің ақпарат хатшысы Мария Захарованың айтуынша, аталмыш зымырандарды Украинаға жіберу Вашингтон мен Мәскеу арасындағы текетірестерді шиеленістіріп, Украинаны жаңа әрі асығыс әскери шешімдер қабылдауға итермелеуі мүмкін. Ресей АҚШ-тан Украинаға әскери қару-жарақ пен құрал-жабдық жіберудің теріс салдары мен осы елдің шығысындағы атысты тоқтату үдерісінің бұзылуына қатысты бірнеше мәрте ескерту жасады. Ресейлік дипломат Петр Ильичевтың пайымдауынша, Украинаға америкалық қару жіберу бұл елдің басшыларын елдің шығысында жаңа әскери авантюристік әрекеттерге баруға ынталандырады. Мәскеудің көзқарасы бойынша, Украинаны қырғынға ұшырататын қарулармен жабдықтау бұл елде тұрақтылықтың етек жаюына әсер етпеуімен қоса, Джавелин зымырандары секілді соғыс майданындағы қуатты қару-жарақтарға қолжетімділікке байланысты Украина әскерінің әскери амалға кірісу ықтималдығын арттыра түседі. Вашингтонның Украинаға әскери және қару-жарақ тұрғысынан көмектерін арттырудағы айласы Ресейдің бұл елден тыс жердегі ықпалын азайтуға бағытталған әрекеті секілді. 2014 жылы Киевте батысшыл үкіметтің билік басына келуімен Украинаның жаңа басшылары Батыс елдерімен жақындасып, Ресейден алыстауды қалады. Осыған байланысты Киев НАТО ұйымы мен Еуропалық одаққа қосылуды қалап отыр. Алайда бұл үдеріс Мәскеудің әсіресе әскери салаға, яғни Украинаның НАТО-ға мүшелікке кіруіне қатысты ашық түрдегі қарсылығын тудырды. Мәскеу Украинаның НАТО ұйымына мүшелікке кіруінен бөлек, тіпті бұл елге арнайы мәртебе беру немесе оның мүшелікке кіруі үшін арнайы бағдарлама ұсыныудың Ресейдің қатал реакциясына ұшырайтыны жайлы бірнеше рет ескерткен еді. Бұған қарамастан АҚШ Ресейдің қарсылықтарын елемей, Украинамен қатынасын кеңейтып, бұл елдегі әскери құзырын арттырып жатыр. Вашингтон тарапынан бұл үдерісті жалғастыру бір жағынан Мәскеу мен Киев, сондай-ақ, АҚШ пен Ресей арасындағы қақтығыстың артуына соқтыратыны анық. Бұған қоса Ресей тепе-теңдік орнату мақсатында ресейшіл оппозицияға әскери көмек жіберуін арттырады. Бұл мәселе Украинаның шығысында жаңа қақтығыстардың туындау ықтималдығын арттырады.
