Ресейліктер АҚШ-тың орта қашықтықтағы ядролық қару туралы келісімінен шығу ықтималына реакция білдірді
Ресейдің БҰҰ-дағы елшісі әрі өкілдік басшысының орынбасары АҚШ-тың орта қашықтықтағы ядролық күштер туралы келісімнен біржақты негізде шығу туралы шешімін сынады.
IRNA ақпарат агенттігінің хабарлауы бойынша, Дмитий Полонский жексенбі күні кешке АҚШ-тың орта қашықтықтағы ядролық зымырандар туралы келісімнен шығу ықтималын болжауға болған, бірақ өкініш тудыратын әрекет деп атап: "Бұл мәселедегі ең үлкен жеңіліс табушы әлем елдері мен Еуроодақ болмақ",-деді.
Ресей Сыртқы істер министрінің орынбасары Сергей Рябков реакция білдіріп, АҚШ Президенті Дональд Трамптың орта қашықтықтағы ядролық қару туралы келісімнен шығу жайлы сөзін Ресейден ұпай алу үшін жасалған арандату әрі қоқан-лоққы деп атап:
"Мәскеу АҚШ-тың халықаралық келісімдер мен хаттамалардан біржақты негізде шығуына реакциясында қарымта шара қолданатын болады. Мұнда әскери шара да болуы мүмкін",-деді.
АҚШ-пен арада қысқа және орта қашықтықтағы ядролық зымырандарға тыйым салу туралы келісімге қол қойған Кеңес Одағының соңғы басшысы Михаил Горбачев Вашингтонның бұл келісімнен шығуын қателік әрі ақымақтық деп атады.
