Батыс, иврит және араб ақпарат құралдары Иран халқына психологиялық шабуыл жасауда
Иранның Ұлттық қауіпсіздік жоғары кеңесінің хатшысы коронавирустың таралуына байланысты дұшпандардың Иранға қарсы жаңа қастандығына тоқталып: «Иран халқы Батыс, иврит және араб ақпарат құралдарының психологиялық шабуылына ұшырады»,-деді.
Әли Шамхани бейсенбі күні Twitter-дегі жеке парақшасында «жасыру» туралы үлкен өтіріктің ирандықтардың психологиясына соққы берудің басты сөзі екенін айтып: «Дұшпандардың мақсаты – Иран халқының психологиялық төзімділігін әлсірету арқылы коронавирустың әсерін арттыру»,-деді.
Шамхани бұдан бұрын АҚШ Мемлекеттік хатшысы Майк Помпеоның Иранда коронавирусқа шалдыққандардың саны туралы ішкі іске араласушы сөздеріне реакциясында: «Помпео Иранда вирустың таралуын жасыру әрекеттеріне алаңдаушылық білдіріп отыр. Ал бұл кезде Эйн-ул-Асадтағы оқиғаның шындығы, Ауғанстандағы тыңшы ұшақтың жағдайы, АҚШ-та өткен жылы грипптен қайтыс болғандар саны және басқа мәселелердің шындығы Ақ үй тарапынан жарияланбады»,-деді.
