Жетістіктерді бұрмалау – дұшпандардың Иранға қарсы психологиялық соғысының басты бағыты
ИИР Президенті: «Иранның жетістіктерін бұрмалап, үкіметті тиімсіз деп көрсетуге тырысу – дұшпандардың Иранға қарсы психологиялық соғысының басты бағыты»,-деді.
Хасан Рухани сәрсенбі күні үкіметтің экономикалық үйлестіру штабының жиналысында Ислам революциясы жетекшісінің дұшпандардың Ирандағы экономикалық дамудың алдын алу үшін қысқа және ұзақ мерзімді мақсаттары туралы айтқан сөздеріне тоқталып: «Бұрамалау және санкция салу ағымдары Иранның экономикалық қозғалысын тоқтату және елдің жетістіктерін солғындатып, келешекті жағымсыз етіп көрсету арқылы аталған мақсатты орындауды көздейді»,-деді.
Рухани коронавирустың әлем экономикасына, тіпті дамыған елдердің экономикасына ауыр шығындар әкелгенін айтып: «Ирандағы өндіріс жағдайын басқа елдердің жалпы ішкі өнімінің төмендеуімен салыстыру жаһандық дағдарыста Иран экономикасының төзімділігі жоғары болып шыққанын көрсетті. Еуропада жалпы ішкі өнім 10 пайызға, АҚШ-та 30 пайызға төмендеді»,-деді.
