АҚШ-тың кейбір қалаларында көше наразылықтары өтіп жатыр
АҚШ ақпарат құралдарында Джо Байденнің жеңіске жеткені жарияланғаннан кейін осы елдің кейбір қалаларында көше қақтығыстары мен наразылықтар болды.
Кейбір жиындар Джо Байденнің жеңіске жеткеніне қуаныш білдіру үшін өтті, ал басқа жағдайда түрлі топтар наразылықтарын білдіру үшін көшеге шықты. Кейбір наразылықтарға полиция күштері араласты. Нью-Йорктің кейбір жерінде халық Трамп пен Пенс бейнеленген туларды өртеді.
Вашингтонда «Қара нәсілділердің өмірі маңызды» қозғалысының белсенділері күн ашық болса да, қара қолшатыр алып шығып, Ақ үйден шеру бастады. Ақ үйдің айналасында да наразылық акциялары өтті. Кейбір қалаларда Трамптың жақтастары көшеге қару ұстап шығып, президенттік сайлауда Демократиялық партия үміткерінің жеңіске жеткеніне наразылық білдірді.
