Тәжікстан мен Қазақстан кәсіпкерлері онлайн кездесті

Тәжікстан мен Қазақстан кәсіпкерлерінің кездесуі карантин жағдайына байланысты онлайн форматта өтті.

Бұл отырыстың мақсаты коронавирус таралғанына қарамастан екі елдің экономикалық әріптестігін кеңейту және сауда қатынасын нығайту деп жарияланды.

Тәжікстанның Сауда және өнеркәсіп палатасы мен осы елдің Алматыдағы Бас консулдығы және Қазақстанның Ұлттық кәсіпкерлер палатасы мұрындық болған осы іс-шарада кәсіпкерлер екі елдің инвестициялық және туристік әлеуеттерін таныстырды.