Иран командасы футзалдан Азия чемпионатында финалға жол тартты

Иранның ұлттық футзал командасы Тайланд командасын жеңіп, Азия-2022 чемпионатында финалға шықты. Енді Жапония командасымен бақ сынасатын болады.

Iran Press ақпарат агенттігінің хабарлауынша, Иранның футзал командасы бейсенбі күні Кувейтте Азия-2022 чемпионатының жартылай финалында Тайланд командасымен ойнады.

Ойынның бірінші бөлімі 1:0 есебімен Иранның пайдасына аяқталды, ал екінші бөлімде ирандықтар тайландтықтарға 4 гол соғып, 5:0 есебімен жеңіске жетіп, финалға шықты.

Кеше Жапония командасы Өзбекстан командасын 2:1 есебімен жеңіп, финалға жол тартты.