Әли Шамхани: Теһран мен Эр-Рияд арасындағы түсініспеушілікті жою аймақта тұрақтылық пен қауіпсіздіктің дамуына септігін тигізеді
Нау 11, 2023 23:22 Asia/Almaty
Iran Press ақпарат агенттігінің хабарлауынша, ИИР Ұлттық қауіпсіздік жоғары кеңесінің хатшысы Әли Шамхани Бейжіңде Иран, Сауд Арабиясы мен Қытай арасында үшжақты мәлімдемеге қол қойылғаннан кейін берген сұхбатында: "Иран Президенті Ибрахим Раиси мен Қытай Президенті Си Цзиньпиннің Бейжіңдегі кездесуінде Иран мен Сауд Арабиясы делегациялары арасында жаңа келіссөздер өтуіне қолайлы жағдай жасалды",-деді.
Шамхани Иран мен Сауд Арабиясы арасында жан-жақты ашық та конструктивті келіссөздер болғанын айтып, Қытай үкіметіне түрлі елдер арасындағы түйткілдерді жойып, бейбітшілік пен тұрақтылықты арттырып, халықаралық ынтымақтастықты жоғарылатудағы сындарлы рөлі үшін алғыс айтты.