Ислам ынтымақтастық ұйымы Құранды қорлағандарға қарсы шара қолдануды талап етті
Ислам ынтымақтастық ұйымы Құранға бірнеше рет құрметсіздік көрсетілгенін айыптап, қасиетті кітапты қорлаған елдерге қарсы тиісті шешімдер қабылдануын талап етті.
"Рай-әл-Яум" газетінің хабарлауынша, Ислам ынтымақтастық ұйымы дүйсенбі күні кешке осы ұйымға мүше елдер Сыртқы істер министрлерінің бейнеконференциясында мәлімдеме жасап: "Швеция мен Дания басшыларының осындай құрметсіздіктің қайталануына тыйым салуға шара қолданбағаны БҰҰ Қауіпсіздік кеңесінің халықаралық бейбітшілік пен қауіпсіздік туралы №2686 қарарына қайшы",-деді.
Осы мәлімдемеде діндер, мәдениеттер мен өркениеттер арасында диалог, түсіністік пен ынтымақтастықты нығайтудың маңыздылығы айтылып: "Бейбітшілік пен теңдік сияқты құндылықтарды тарату – жиіркеніш, әсірешілдік, қатыгездік пен арандатушылыққа қарсы күресудің ең жақсы жолы",-делінген.
Ислам ынтымақтастық ұйымы осы мәлімдемеде Құранды қорлауға жол берген елдерге қарсы тиісті саяси-экономикалық шешімдер қабылдау керегін баса айтты.
