Қазақстан Үндістанмен 5 млрд доллар көлемінде сауда жасауды мақсат етіп отыр

Қазақстан мен Үндістан алдағы 3 жылдың ішінде екіжақты сауда айналымын 5 млрд долларға дейін арттыруды көздеп отыр.

Fars ақпарат агенттігінің хабарлауы бойынша, Қазақстан-Үндістан іскерлік кеңесінің төрағасы Ержан Шәйкенов жұма күні тілшілерге берген сұхбатында: «Астананың Нью-Делимен сауда-саттықты арттыру шешімі бейсенбі күні түстен кейін Қазақстан-Үндістан іскерлік кеңесі басшыларының кездесуінде қабылданды»,-деді.

Оның айтуынша, қазіргі таңда Қазақстанда 100-ден аса үнді компаниясы жұмыс істейді. Үндістанның киноиндустриясы да Қазақстанның даму және туристік әлеуеттерін анықтауға көп инвестиция салған.