Палестинаны қолдайтын студенттер Колумбия университетінен шеттетілді
ParsToday - Колумбия университетінің ондаған студенттері университет кітапханасында Палестинаны жақтаған демонстрацияға қатысқаны үшін оқудан шеттетілді.
Колумбия университетінің ондаған студенттері Палестина халқын қолдау үшін өткен сәрсенбіде университет кітапханасына жиналды. ParsToday агенттігінің хабарлауынша, Колумбия университетінің ресми өкілі: «Колумбия университетінің 65-тен астам студенті университет кітапханасында Палестинаны жақтаған демонстрацияға қатысқаны үшін оқудан шеттетілді»,- деп хабарлады.
Оның айтуынша, Колумбия университеті наразылық білдірушілерге қарсы қатаң шара қолдану үшін қысымға ұшырағандықтан, басқа 33 адам, соның ішінде еншілес мекемелердің адамдары мен саны белгісіз түлектерге университеттен тыйым салынған.
Нью-Йорк полициясы бұған дейін Колумбия университетінің кітапханасында 81 палестиналық жақтасты тұтқындаған болатын.
Reuters агенттігі Колумбия университетінде Палестинаны қолдайтын шерушілердің болуын Израиль режимінің Газа секторындағы қылмыстарына қарсы студенттер наразылығы басталғаннан бергі «кампустағы ең үлкен наразылықтардың бірі» деп сипаттады.
Хабарда айтылғандай, наразылық білдірушілер Колумбия университетінің бас кітапханасына Палестинаны қолдайтын баннерлер іліп қойған.
Әлеуметтік желіде жарияланған фотосуреттер мен бейнежазбаларда көптеген наразылық білдірушілер бетперде киіп, «Газа үшін ереуіл» деген баннерлер ұстаған.
