Куруш сарайы Хақаменеши заманына тиесілі. Дәштестан ауданының орталық бөлігіндегі Баразджан қаласында орналасқан бұл сарай Иранның оңтүстігіндегі Бушехр облысының көрнекті жерлерінің әрі тарихи ескерткіштерінің бірі саналады.

Жүргізілген зерттеулер бойынша, бұл сарай Куруш билігінің соңында салынған. Ондағы бағандардың іргетасы мен табылған заттарға сәйкес ол тас қашау және сәулет өнері тұрғысынан Пасаргадтан жаңа әрі әдемі.  Бұл сарай құрылысының аяқталмай қалуының себебі Куруштың б.з.д. 529 жылы қайтыс болуымен байланысты сыңайлы.