Абуәли мемориалы – Хамедан қаласының Буәли Сина алаңында орналасқан ирандық танымал философ, ғалым, дәрігер шейх әр-Райс Ибн Синаның мазары.

Мемориалды танымал ғалымның туған күнінің жылдығында шамси күнтізбесінің 1333-ші жылы Хушанг Сейхун салды. Мемориал Исламның тарихи көне ғимараттарының жобалары негізінде жобаланды. 12 тірек Ибн Синаның 12 ғылымды меңгергенін көрсетеді.  Әр тіректің күмбездің астына дейінгі биіктігі – 23 метр; күмбездің өзінің биіктігі – 6 метр.