"Чома" мұз үңгірі Иранның Чахармахал мен Бахтияри облысындағы Кухранг ауданының Челгерд ауылында орналасқан. Таяу Шығыстың ең суық жері саналатын бұл үңгір қарға толы үлкен қоймаға ұқсайды.

Ондағы қардың қалыңдығы 50 метрге дейін жетеді. Терең сайда орналасқан бұл үңгірде бірнеше жылдық қардың жиналуы сүңгілер мен қардың жыл бойы сақталуына себеп болды. "Чома" мұз үңгірі Иранның ең ірі тұщы су көзі ретінде танымал, өйткені ондағы мұздың астынан бұлақ ағып жатыр. Бұлақ Кухранг бөгетіне барып құяды.