Сүлеймен зынданы – Тахт-е Сүлеймен кешенінің батысынан 3 шақырым жерде орналасқан іші қуыс конус пішіндес тау. Бұл тау мыңдаған жыл бұрын көл суының минералды шөгінділерінен пайда болған. Осы таңғажайып тау маңында тұратындар оны «Сүлеймен зынданы» немесе «Дию зынданы» деп атап, хазірет Сүлеймен бағынуға бас тартқан диюларды осы тауға қамап отырған деп санайды. Таудың биіктігі 97-107 метр. Оның төбесінде тереңдігі шамамен 80 метрді құрайтын шұңқыр бар. Шұңқыр аузының диаметрі – 65 метрге жуық.