Бірнеше жылдан бері Еуропа мен АҚШ-та батыстық ақпарат құралдары сол елдердің тұрғындарына исламофобияны таратуда. Профессор Карл Эрнст Исламды және Исламның ардақты пайғамбарын қорғауға қатысқандардың қатарында болды.

Бірнеше жылдан бері Еуропа мен АҚШ-та батыстық ақпарат құралдары сол елдердің тұрғындарына исламофобияны таратуда. Бұл пікірталас Батыста орта ғасырларда басталды және сол кезден бастап исламды адамдарға зорлықшыл дін, семсер діні және өлтіруден басқа ештеңесі жоқ дін ретінде таныстыруға талпынды. Орта ғасырларда кейбір жазушылар исламға қарсы жаза бастады, бірақ ойлаған мақсаттарына жете алмады. Өйткені ислам пайда болғаннан бері исламдық жерлерде мұсылмандармен бірге өмір сүрген христиандар мен еврейлер исламның достығы мен гүлденуін көрген болатын. Кейінірек шығыстанушылар бұқаралық ақпарат құралдарының, әсіресе полиграфия саласындағы жетістіктерді қолдана отырып, исламға қарсы үгіт-насихаттарын жалғастырды, сөйтіп бұл әрекеттер 2001 жылдағы 11 қыркүйек оқиғасына жетті.

Исламның ұлық Пайғамбар, хазірет Мұхаммад (с.ғ.с.) – бүкіл әлемді жаратқан құдіреті Алла өзінің қасиетті кітабында мадақтаған пайғамбар. Қасиетті Құран мәтініне сәйкес, Пайғамбар (с.ғ.с.) – мейірімділік, бейбітшілік пен тыныштықтың елшісі. Хазірет басқаларға күш көрсетпеген. Пайғамбардың (с.ғ.с.)  жұмсақ   мінезі адамдардың жүрегінде орын тапты. Алла Тағала «Тәубе» сүресінің 128-ші аятында Пайғамбардың (с.ғ.с.) рақымы мен мейірімділігін еске алып: «Расында сендерге іштеріңнен ардақты бір Пайғамбар келді. Оған, қиналуларың ауыр тиеді. Сендерге өте ынтық, мүміндерге өте жұмсақ, ерекше мейірімді»,- деді.

Алла Елшісінің (с.ғ.с.) жарқыраған болмысының арқасында Ислам мен хазіреттің өзіне жасалған шабуылдар жауапсыз қалмады. Бұл жағдайда мұсылмандар, зиялы қауым мен еркін адамдар, тіпті батыстық кемеңгерлер де бей-жай қарамады және реакция білдірді. Профессор Карл Эрнст бұл қозғалысқа қосылып, Исламды және Исламның ардақты пайғамбарын қорғауға қатысқандардың қатарында болды. Профессор Карл Эрнст - Солтүстік Каролина университетінің дінтану профессоры. Ол 1950 жылы АҚШ -та туған. Ол 1973 жылы Стэнфорд университетінде «Салыстырмалы дін» мамандығы бойынша бакалавр дәрежесін алды. Ол Гарвард университетінде сол салада аспирантураны бітіріп, 1981 жылы осы университеттің докторы дәрежесін алды. Бұл американдық профессордың пікірінше, Батыстың исламға деген көзқарасы –қысым көрсету, жеккөрушілік пен исламды түсінбеу.  Сондықтан, ол осы ағымға жауап ретінде «Мұхаммадтың (с.ғ.с.) ізімен» кітабын жазуды парыз санады. Бұл кітаптың кіріспесінде профессор Эрнст өзінің мұсылман емес екенін айтып: «Мен мұсылман емеспін, бірақ  мұсылман болмауым шындықпен санаспауыма кедергі және  Құран мен Исламды оған қарсы қатысты қатыгездіктен қорғауыма бола алмайды. Мен жылдар бойы көптеген мұсылмандармен тығыз байланыс орнаттым, олар мені өз үйлеріне шақырып, отбасылары ортасында қабылдады. Сондықтан осы кітаптағы тақырыптарды талқылау -  қарым-қатынасты орнатып, сақтап қалу үшін мен жасаған ең аз нәрсе»,- деп жазды. Карл кітапты жазудың мақсаты  туралы былай деді: «Кітап күдік пен түсінбеушілік бұлттарын жою   және қазіргі әлемдегі мұсылмандар мен мұсылман еместерге қатысты тарихи және маңызды мәселелерге назар аударту үшін». 

Профессор Карл Эрнст исламды кеңінен зерттеді және көптеген ислам елдеріне сапар шекті. Ол қазіргі уақытта ислам туралы тарихи зерттеулер саласындағы халықаралық қайраткерлердің бірі. Ол бір кезде қазіргі исламтанушы Анн-Мари Шиммельдің шәкірті болды және өз кітабын Шиммельге арнады. Профессор Эрнст исламдық мистикаға қызығушылық танытады және шейх Рузбехан туралы көптеген зерттеулер жүргізді және Рузбехан туралы екі кітап жазды,   былтырғы жазбалары үшін Фараби фестивалінің сыйлығын алды.

Карл Эрнстың «Мұхаммадтың (с.ғ.с.) ізімен» кітабы кіріспе және алты тараудан тұрады. Кітап бойы Ислам пайғамбарының исламның мағынасы мен рухын ажыратудағы басты тұлға ретіндегі рөліне баса назар аударылды. Үшінші тарауы «исламның қасиетті қайнар көздеріне», яғни Құран мен сүннетке арналған. Бұл тарауда Ислам пайғамбарының (с.ғ.с.) өмірінен басталып, ислам ілімдеріндегі «әлемдерге мейірімділік» ретінде Ислам пайғамбарының шешуші рөлі көрсетілген. Мұнда профессор Эрнстің ислам туралы түсінігі вилаят мәселесін көтере отырып, шиіт көзқарастарына жақындайды. Бұл тарауда ол Құранға қарсы дұшпандық ұстанымдарға, әсіресе олардың соңғысы Салман Рушдидің шайтандық аяттар кітабына тоқталып, оларға жауап береді.

Карл Эрнст Алла Елшісіне (с.ғ.с.) қатты қызығушылық танытып, Пайғамбарды (с.ғ.с.) исламның негізі деп санайды. Ол Исламға қарсы пікірталастардың тамырын іздей отырып, ортағасырлық ағымдар мен крест жорықтарын зерттеп, 21 ғасырға дейін жетеді. Ол өз кітабының бір жерінде: «Орта ғасырларда христиан жазушылары мұсылмандардың алдында Мұхаммадқа (с.ғ.с.) қатысты шындықты және ізгіліктерді жоққа шығарды. Бұл олардың хазірет Исадан кейін пайғамбар келгеніне сенбеуінен туындады»,- деп жазды.  Ол Батысқа   Ислам пайғамбарына надандық пердесінен қарайтыны, ал  исламның басында еврейлер мен христиандар ешқашан Пайғамбарға былай қарамағаны туралы жолдауды жеткізеді. Карл Эрнст «Мұхаммадтың (с.ғ.с.) ізімен» кітабын 11 қыркүйек оқиғасынан кейін жазып,  мұсылмандарға қарсы қысымның артуының тамырын зерттеп, Ислам пайғамбарының мейірімін көрсету арқылы діндер арасындағы диалогқа жол ашады.

Карл Эрнст қасиетті Ислам дінінің екі тірегі Құран мен  Пайғамбар (с.ғ.с.) туралы тоқталып, Құранды Інжіл мен Таураттан  қасиеттілеу деп санайды. Пайғамбарды (с.ғ.с.) әмбебап тұлға ретінде таныстырады. Ол батыстықтарға Пайғамбардың (с.ғ.с.) әдемі адамгершілік қасиеттері мен жақсы мінез-құлқын имам Әлидің (ғ.с.) «Наһдж ул-Балағада» айтқан тұрғысынан көрсетеді. Адамгершіліктің және әділеттіліктің бейнесі болып табылатын Әли (ғ.с.) көп жағдайда Пайғамбарға (с.ғ.с.) тағзым етіп, ұлықтады және өзін хазіреттің мектебінде тәрбиеленді деп санайды.  Ол Пайғамбар (с.ғ.с.) туралы: «Пайғамбар (с.ғ.с.) - тақуалардың көсемі және жастарды дұрыс жолға нұсқайтын қырағы тұлға. Ол - жарқыраған жұлдыз. Алла Тағала Пайғамбарды ұлық пайғамбарлардан таңдады және оны надандық кеңістігіндегі даналықтың қайнар көзі етті. Ол -   науқастардың емшісі. Оның мен өмір салты тұрақты, сөзі дұрыс пен бұрысты ажыратады, бұйрығы әділ. Оны өтірікші деп атаған жаулардың сыбайлас болуы оған Аллаға жақындауға шақыруына ешқашан кедергі бола алмады, сондықтан жаулардың талпыынсы нәтижеге жетпеді»,- деп жазды. Профессор Карл Эрнст замануи әлемде жаңа көзқарасымен мұсылмандарды таныстырады және Алла Елшісіне (с.ғ.с.) сәлем мен салауат айтады.