Израиль Украина соғысын палестиналықтар жерлерінде қалашықтар құрылысын қайта бастауға пайдалануда

Катардың «Әл-Джазира» телеарнасының еңбекқор және қырағы журналисті Ширин Абу Ақла жоспарлы операция кезінде шәһид болғаннан екі күн өткен соң сионистік режим Иордан өзенінің батыс жағалауында 4000-нан астам тұрғын үй салу үшін жаңа кеңейту жоспарын мақұлдады.

Шын мәнінде, Абу Ақланы өлтіру Израиль деп атанған 1948 жылы басып алынған аумақтардағы, соның ішінде Тель-Авивтегі палестиналықтардың   операцияларындағы бұрынғы жеңілістері үшін кек алу ғана емес. Бұл сионистік режимнің әл-Ақса мешітіне қайта-қайта шабуыл жасау немесе басып алынған жерлерде қалашықтар құрылысын жалғастыру арқылы басып алынған жерлерде географиялық және демографиялық өзгерістер енгізу саясатын көрсетуден бас тарттыру үшін БАҚ-ты қорқыту мақсатында жасалған сияқты. Қоныстану, өзінің алдамшы атауына қарамастан, басқыншылықтың ішіндегі басқыншылық саналады. БҰҰ Қауіпсіздік Кеңесінің шағын Палестина үкіметін құру туралы бірнеше рет қабылдаған қарарларына сәйкес 1967 жылғы оккупацияланған аумақтарды палестиналықтарға берудің орнына керісінше, сионистер оны Израиль деп аталатын 1948 жылғы оккупацияланған аумақтарға қосуға тырысуда. Бірінші кезеңде бұл елді мекендер Палестина жерінде салынса, келесі кезеңде олар 1948 жылы басып алынған жерлерге қосылады. 1948 жылы сионистік режимнің бар екендігі жарияланғаннан кейін бұл режим аумақтық шектеулеріне байланысты әрқашан стратегиялық тереңдіктің жетіспеушілігінен зардап шекті. Сондықтан сионистік режимнің қауіпсіздік стратегияларында осы әлсіздіктің орнын толтыру жолын табуға талпыныс жасалды.  Бұл саладағы негізгі стратегия ретінде қалашықтар салу қабылданып, құрылыс жүргізілуде.  Әңгіме бұл мәселемен шектелмейді. Сионистік режим қалашықтар құрылысын жалғастыру немесе  басып алу стратегиясын жүзеге асыру арқылы Иордан өзенінің батыс жағалауында қалған Палестина жерлерін бөлек аралдарға айналдырып, аумақтық тұтастығын жою арқылы шағын Палестина мемлекетінің құрылуының алдын алғысы келеді.

Сонымен қатар, қоныстандырудың тағы бір отаршылдық мақсаты ретінде су ресурстарын талан-таражға салу көзделуде. Бұл елді мекендердің көпшілігі құнарлы аймақтарда салынған және палестиналықтардың олардың өмірлік және су ресурстарына қол жеткізуіне жол берілмейді.  Су бассейндеріне мыналар жатады: батыс бассейні, солтүстік-шығыс бассейні, шығыс бассейні, жағалаудағы жерасты алабы және әл-Кармал алабы.  Батыс бассейні Дженин облысының батыс аймақтарынан басталып, Халиль облысының оңтүстік-батыс аймақтарына дейін жалғасады. Солтүстік-шығыс бассейні Наблус, Дженин және Тубас облыстарынан солтүстік пен солтүстік-шығысқа қарай ағатын барлық суларды қамтиды.   Шығыс бассейні толығымен Батыс жағалауда орналасқан және Дженин, Тобас, Наблус, Рамалла, Бейт-Лаһам облысының солтүстік аймақтарынан әл-Халил облысының оңтүстігіндегі ең алыс нүктеге дейін ағып жатқан барлық суларды қамтиды. Жағалаудағы жер асты бассейні Хайфаның оңтүстігінен Негевке дейін созылып жатыр және оның үлкен бөлігі Египеттің ішінде орналасқан. Әл-Кармал бассейні Мардж ибн Амер жазығына дейін созылатын Кармел мен Хайфаның барлық таулы аймақтары кіреді.   

Құдс қаласына толықтай үстемдік ету және оны Иордан өзенінің батыс жағалауының төрттен бір бөлігін құрайтын «Үлкен Құдс жобасы» түрінде Батыс жағалаудың басқа бөліктерінен бөлу сионистік режимнің көздеген тағы бір мақсаты болып табылады. Сионистік режим әсірешіл сионистердің әл-Ақса мешітіне мүсін орнату және мешітті қирату туралы армандарын жүзеге асыруына негіз береді. Осыған сүйене отырып, қалашықтар құрылыс жоспары бұл елді мекендер батыс жағалаудың солтүстіктен оңтүстігіне қарай үш бөлек қауіпсіздік белдеуіне созылып, Құдс қаласын  төрт жағынан қоршап тұратындай етіп жасалған. Жаңадан құрылған елді мекендердің көпшілігі Құдс қаласын Батыс жағалаудың басқа аудандарынан бөлу мүмкіндігіне қол жеткізу үшін осы аймақта салынады. Елді мекендерді салу барлық халықаралық құқық пен БҰҰ қарарларына қайшы екені және Женева конвенциялары бойынша әскери қылмыстардың айқын мысалы екені даусыз. 1949 жылғы Төртінші Женева хартиясында оккупациялаушы күштерге қарсы тыйымдардың ұзақ тізімі берілген, оның ішінде басқыншы үкімет   тұрғындарының басып алынған аумақтарда қоныстануына тыйым салынған. Көптеген халықаралық заңдар, соның ішінде Қауіпсіздік Кеңесі немесе БҰҰ Бас ассамблеясының қарарлары Құдста, Иордан өзенінің батыс жағалауында және бүкіл басып алынған Палестина аумақтарында сионистік қалашықтарға тыйым салып, олардың құрылысын тоқтатуға және елді мекендерді бұзуға шақырды.

БҰҰ Қауіпсіздік Кеңесінің 1980 жылғы 465 қарары оккупацияланған аумақтардағы еврейлердің қалашықтар құрылысын тоқтатуды және жоюды талап етті. №№446, 452, 252 және басқа да осыған ұқсас қарарлардың барлығында ұқсас ережелер болды. Әзірге Батыс елдері сионистік режимнің жорғалаушы басқыншылық саясатына қарсы тұру үшін тек тиімді және практикалық әрекет жасаған жоқ. Азаматтық қоғам ұйымдарының мәліметінше, 2018-2021 жылдар аралығында 670-тен астам еуропалық қаржы институттары оккупацияланған Палестина аумақтарындағы израильдік елді мекендермен операцияларға қатысқан.

Палестиналық, аймақтық және еуропалық 25 ұйымның мәлімдемесі мен  БҰҰ-ның Палестина аумақтарындағы адам құқықтары жөніндегі арнайы баяндамашысы Майкл Линктің кіріспе сөзінде де  еуропалық компаниялар халықаралық құқық бойынша заңсыз деп саналатын израильдік елді мекендерге қатысты барлық инвестициялар мен қаржылық операцияларды тоқтатуға шақырды. Зерттеу нәтижелері кейбір еуропалық қаржы институттары, соның ішінде банктер немесе сақтандыру компаниялары мен кейбір израильдік есеп айырысу компаниялары арасындағы тікелей және жанама қаржы институттары арасындағы қаржылық операциялардың 255 миллиард долларының (218 миллиард еуро) егжей-тегжейлерін көрсетеді.

Қарыз алу, акциялар мен облигацияларды сатып алу құрылыс компаниялары мен кейбір еуропалық қаржы институттары арасындағы қаржылық мәмілелердің бір бөлігі болды. Бұл есепте Banpe Paribas және Deutsche Bankсынды француз және неміс банктері сынды  кейбіреулері аталады.

Украинадағы соғыс және еврей иммигранттарының басып алынған жерлерге көшуі режимнің қоныстандыру саясатын қайта бастауына жаңа сылтау болды.  Бұл режим Батыстың соғысқа қатысуын өзінің басып алу стратегиясын алға жылжыту мүмкіндігі ретінде пайдалануда. Осы негізде, егер бұл елдер Украинаға әскери басқыншылық жасауда Ресейге қарсы жасап отырған қысымының өте аз бөлігін сионистік режимге көрсеткен болса, бұл режим осыншама саботаж жасауға батылы жетпес еді.  Бұл екіжүзділік  сионистік режимнің   христиан әйел журналисті  көпшілік алдында өлтіріп, содан кейін бірден жаңа қоныстандыру жобасын іске қосуға итермеледі.