Соғыс - мәдени мұраға басты қауіп
Maм 24, 2022 15:16 Asia/Almaty
Хордад айының үші (24 мамыр) - Иран тарихындағы маңызды күн. Бүгін Хорамшахрдың азат етілгеніне 40 жыл. Хорамшахрды азат ету Иран-Ирак соғысы кезіндегі «Бейт әл-Мұқадас» операциясының негізгі мақсаттарының бірі болды. Осы шайқас кезінде Хорамшахр қаласы Ирак армиясының 576 күндік басып алуынан кейін 1982 жылы осындай күні Иран қарулы күштерінің қолына қайтарылды.
Адамзат қоғамдары ұзақ уақыт бойы бетпе-бет келген ең жойқын құбылыстардың бірі - соғыс және оның зардаптары. Соғыс тарих және мәдениет ескерткіштеріне орны толмас залал әкеледі. Әрине, бұл жаңа құбылыс емес, адамзат баласы ежелден бері келе жатқан ең нәтижесіз соғыстарда ата-бабасының құнды тарихи жәдігерлерінің жойылғанына куә болды. Мысалы, тек екінші дүниежүзілік соғыс кезінде Еуропаның континенттік аумағында ондаған ескерткіштер мен мұражайлар жойылды. Түрлі соғыстар кезінде мәдени ескерткіштердің бүлінуі, тарихи жәдігерлердің жойылуы адамдардың мәдени мұрасын сақтау шараларын үнемі ойластыруына себеп болды. Тарих бойы басқыншылар жеңіліске ұшыраған тайпалардың тарихи-мәдени ескерткіштерін қасақана қиратумен қатар, басқа бір топтың бұл ескерткіштерді сақтап қалуға күш салғанына да куә болдық. Бірақ бұл мәселеге қатысты құқықтық және халықаралық қатынас жаңа және қазіргі заманға қатысты нәрсе.
1899 және 1907 жылдары Гаагада соғыс және оның зардаптары туралы екі халықаралық конвенция әзірленіп, оған қол қойылды. Бұл конвенцияларда соғыс уақытында мәдени мұраны қорғау туралы нақты айтылған. Сонымен қатар, осы саладағы әртүрлі шарттар мен конвенциялар ХХ ғасырда дүние жүзі елдерімен ратификацияланды, соның ішінде 1935 жылғы Вашингтон шарты мен 1954 жылғы Гаага конвенциясы. Гаага конвенциясы мәдени мұраны қорғаудың ең маңызды халықаралық құжаты ретінде танылды. Бұл конвенция екі түрлі ережелерді қамтиды: бейбіт уақытта жарамды және үкіметтер сақтауы керек ережелер және соғыс уақытында міндетті ережелер. Дегенмен, Конвенцияның негізгі қолданылуы екі немесе одан да көп тараптар арасында соғыс немесе қарулы қақтығыс жарияланған кезде қатысты. Халықаралық құқық пен осы конвенцияға сәйкес елдер, мекемелер мен халықаралық ұйымдар, ең алдымен ЮНЕСКО мен БҰҰ мәдениет пен мәдени мұраға қарсы кез келген соғыс түріне қарсы әрекет етуі керек.
Иран жері батыстан шығысқа жалғасқандықтан сауда және әскери істерде ежелден маңызды болды және бұл маңыздылық көптеген шабуылдарға себеп болды. Иран мен Ирак арасындағы сегіз жылға созылған соғыста Иран үкіметі көптеген шығынға ұшырады. Бірақ бұл соғыстың аз белгілі аспектілерінің бірі - сегіз жылдық соғыс кезінде ирандық ескерткіштерге келтірілген зиян. Соғыс болған жердің географиялық орналасуына байланысты көптеген ескерткіштер мен көне жәдігерлер ұрыс даласының тікелей аймағында орналасып, Ирак БААС күштерінің нысанасына ұшырап, бүлінген. Әрине, таңылған соғыстың басында Ирак қарулы қақтығыстар жағдайында мәдени мұраны қорғау туралы 1954 жылғы Гаага конвенциясына қол қойып, оған қосылды. Бірақ бұл келісімге қол қою Иранның көптеген тарихи ескерткіштерінің осы үкіметтің шабуылына ұшырауынан сақтай алмады. Ирак режимі басқа жағдайлардағы сияқты халықаралық ережелер мен конвенцияларды елемей, таңылған соғыстың алғашқы күндерінен бастап Иранның мәдени мұрасы мен көне жәдігерлерін, соның ішінде Шуша сарайы мен мұражайын, Даниял пайғамбардың қабірін, тас ескерткіштерді Шушадағы Ападананың Хафта Таппе мен Абадан мұражайларын, Саласел қамалын, Шуштар көне көпірін, Иранның басқа қалаларындағы көне мешіттер мен мәдени мұражайларды артиллериялық оқ пен әуе шабуылы нысанасына алды. Мысалы, 1985 жылы 13 наурызда Ирак режимі Исфахан қаласына әуе шабуылы кезінде Иранның ең құнды тарихи және сәулет ескерткіштерінің бірі саналатын қаладағы Ұлы мешітті бомбалап, осы әдемі ғимараттың бөліктерін қиратты.
Дұшпанның әуе және зымырандық шабуылдарының ең көп саны Абадан қаласына қатысты. Кейбір аймақтарда тек үйінді топырақ қалды. Абадан мұражайы Иранның көне мұражайларының бірі болып табылады және бұл мұражайдың ғимараты дәстүрлі ирандық сәулет өнерінен шабыттанған. Мұражай ғимаратының көп бөлігі таңылған соғыстың басталуы мен Ирактың зымырандық соққыларынан қираған. Ховейзе қаласы Сефевидтер дәуірінен қалған үлкен аумаққа ие және бұл қалада базарлар, мешіттер, мектептер мен әдемі ғимараттар болған. Бұл тарихи қаланың ескі тіні таңылған соғыс кезінде артиллерия мен әуе шабуылдары кезінде жойылды. Иранның исламдық кезеңіндегі қалалардың құнды үлгісі болып табылатын Дезфул, өкінішке орай, таңылған соғыс кезінде Ирак зымырандарынан бірнеше рет соққыға ұшырады. Шуша және Шуштар қалалары Иранның көне қалаларының қатарына жатады және көне жәдігерлер мен заттардың үлкен бөлігі олардың көне орындары мен мұражайларында сақталған. Бұл аймақтар таңылған соғыс кезінде артиллериялық атыс пен әуе шабуылдары астында үлкен шығынға ұшырады. Соғыс кезінде жойылған артефактілерден басқа, жарылмаған оқ-дәрілердің болуы соғыстан кейінгі жылдар бойы кейбір археологиялық орындарда археологтардың қызметіне кедергі болды. Бірақ Хорамшахр БААС күштері басып алған Ирандағы жалғыз қала болды. Ирактықтар қаланы басып алу кезінде Хорамшахрды қиратты. Хорамшахр соғыс кезінде жер сілкінісінен зардап шеккен қалаға ұқсады. Пулемет атыстарының ізін, минометтер мен артиллерия снарядтары мен сынықтарын, әрең тұрған жартылай қираған ғимараттардың есіктері мен қабырғаларындағы РПҚ мен зеңбіректердің өтуін қадағалағанда, біз сұрапыл соғыстың болғанын түсінеміз.
Хорамшахр құрылған кезден (1812 ж.) Ислам революциясының жеңісіне дейін (1979 ж.) дейін үш рет, яғни бір рет Бағдад билеушісі және екі рет ағылшындар тарапынан басып алынды. Хорамшахрға дейін қазіргі орнында «Баян» деп аталатын көне қала болған, ол хижраның төртінші ғасырына дейін өмір сүрген. Хорамшахрды БААС күштері басып алғаннан кейін бұл қалада қирамаған бірде-бір ғимарат қалмады. Кеңсе және тұрғын үй ғимараттары мен сауда және базар аймақтарынан басқа, бақтар мен тоғайлар да аман қалмады.
Адам өмірі, босқындар жағдайы, зорлық-зомбылық және бейбітшілікке ұмтылу - бәрі қақтығыс кезінде шешуді қажет ететін мәселелер екені айтпаса да түсінікті. Дегенмен, мәдени мұраны болашақ ұрпаққа жеткізіп қана қоймай, оны қоғам бірлігінің кепілі және соғыстан кейінгі қайта құру кезеңіндегі маңызды элемент ретінде қарастырып, қорғау керек.
Украина жерінде соғыс жалғасып жатқандықтан, тарихи және мәдени ескерткіштер мен нысандардың зақымдануы туралы алаңдаушылық күшейді. Бұл елдің жаңалықтар мен репортаждарда өнерін қорғау үшін көмек сұраған мұражайлардың және мүсіндерін сыртқа шығарған шіркеулердің суреттері бұл күндері үйреншікті жағдайға айналды. Украинада шағын жеке мекемелерден бастап көрнекті мемлекеттік коллекцияларға дейін көптеген мұражайлар бар. Қазір бәрі Украина жеріндегі соғыс осы құнды мұраны жояды деп алаңдауда. Алаңдаушылық соғыстың алғашқы күндерінен бастап мұражайлардың жабылуына әкелді. Өкінішке орай, Украинадағы соғыс өршіп бара жатқандықтан, еуропалық елдің мәдени, тарихи және өнер мұрасына келтірілген зиянның тізімі ұлғаяды деп күтілуде. Осындай жағдайды біз Иран сияқты елдерде және соңғы жылдары Ирак, Ауғанстан және Сирияда көрдік.
