Pars Today

Пайғамбарға (с.ғ.с.) арналған Құран аяттарының ішіндегі ғажайып аят: «Әй Пайғамбар! Раббың тарапынан түсірілгенді жалғастыр. Егер оны істемесең, елшілік міндетін жалғастырмаған боласың. Алла сені адамдардан қорғайды. Күдіксіз Алла қарсы болған елді тура жолға салмайды». («Мәида» сүресі, 67-ші аят).

Пайғамбар (с.ғ.с.) өмірінің жиырма үш жылын адамдарды ізгілікке, тақуалыққа бағыттауға жұмсаған. Хазірет адамның бақыты мен табысы үшін қажетті және қажеттінің бәрін уахи көзінен алып, дүниенің игілігіне қалдырған. Жақында Хатеф Ғайби оған жақын арада бұл дүниені тастап, мәңгілікке қосылатынын хабарлаған еді. Бірақ одан кейін Ислам үмбетінің басшысы кім болады?

Пайғамбар (с.ғ.с.) Мәдина қаласынан бірнеше аптаға, тіпті бірнеше күнге кеткенде сол қалаға өзінің орнына серіктерінің бірін тағайындайтын. Мысалы, Бәдір шайқасына аттанарда  Әбу Ләбабені, Даумат-ул-Джәндал шайқасында  Ибн Арафтені, Бәни Құрайза соғыстарында   Бәни Ләһиан және Табук шайқасында  өз орнына  Әли бен Әбиталибті тағайындады. Хазірет Мұхаммад (с.ғ.с.) «қоштасу қажылығы» деп аталып кеткен соңғы қажылығында өз орнына  Әбу Деджане Ансариді қойып кетті. Енді Пайғамбар (с.ғ.с.) өз үмбетінен мәңгілікке ажырауы керек болса, кімді мұрагер етіп тағайындауы керек? 

Керуендер  Джухфа  аймағына жетті. Құрғақ шөл, онда бірнеше қалың шөл ағаштары мен топырақ пен жанып тұрған құмнан басқа ештеңе жоқ. Пайғамбардың (с.ғ.с.) айналасындағылар хазіреттің нұрлы жүзінің кенет қызарып, қабағы жұмылып, ерекше ауырлық басып, маңдайынан моншақ тер тамшылағанын анық көреді. Бірақ кенет таудай орнында тұрып, тоқтауды бұйырады. Бұл бұйрық керуендер арасында дүрбелең тудырады. Адамдар арасында: «Не болды? Неге тоқтадық? Бұл тоқтайтын жер емес. Мына таудың жанында! Сусыз, шөпсіз мына шөлде! Мұхаммадқа Алланың тағы бұйрығы түсті ме?»- деген сұрақтар естілді. Осы дүрбелеңде: «Озып кеткендерді қайтарыңдар, артта келе жатқандарды күтіңдер»,- деген тағы бір бұйрық берілді.

Исламның ұлық пайғамбары (с.ғ.с.) барлық керуеншілермен бірге түс намазын оқыды. Намазды аяқтаған соң, Алла Тағаланың осы елде тоқтауды бұйырған маңызды ісі туралы адамдарға хабарлайды. Барша оның айналасына жиналды. Пайғамбар түйеге тиелген жүктерден жасалған мінберге шығып, халықты тынышталуға шақырды. Пайғамбар (с.ғ.с.) Алланың атын атағаннан кейін: «Мақтау мен шүкір Аллаға тән. Біз одан көмек сұраймыз. Біз оған сенеміз. Раббымызды пана тұтамыз. Алла біреуді адастыратын (күнәсы мен жаман ниеті үшін) болса, тура жолға түспейді. Егер Алла біреуді тура жолға салса, ол адастырушылардан болмайды. Пайғамбар (с.ғ.с.)  мейірімділігімен: «Уа, халайық! Мейірімді Алла маған өлімімнің жақын екенін хабарлады. Мен жауаптымын, сендер де жауаптысыңдар. Енді сіздерден сұрайтыным: «Алланың алдында мен туралы не айтасыңдар? Мен миссияны орындап, сендерді тура жолға және Алланың дініне шақырдым ба?» Халық бір ауыздан былай деп жауап береді: «Уағыз-насихат айтып, көп талпыныс жасадыңыз. Алла сыйын берсін». Алланың Елшісі (с.ғ.с.) Тағы да баса назар аудару үшін: «Жалғыз Алладан басқа Құдайдың жоқ және Мұхаммад оның құлы әрі елшісі екеніне куәлік бересіңдер ме? Жұмақ пен тозақ, өлім мен қиямет, ақиқат анық және күмәнсіз келеді ме?» Тағы да халық: «Иә, куәлік етеміз», - деді. Сол кезде Пайғамбар (с.ғ.с.): «Уа, Алла, куә бол!»- деді.

Алланың пайғамбары көпшілікке жанашырлықпен қарап, сөзінің жалғасында: «Біліңдер, мен қияметте, сендерден бұрын Кәусар хауызына келемін, сендер менің қасыма келесіндер. Енді жақсы білесіңдер, алдыңда сый күні бар және қиямет күні пайғамбарға қосыласыңдар. Араларыңа қойған екі асыл  затты қалдырамын. Олармен қалай қатынас орнатасыңдар?»- деді. Осы кезде көпшілік арасынан біреу: «Уа, Алланың елшісі! Бұл екі орынбасар кімдер?»- деп сұрады. Пайғамбар (с.ғ.с.) былай деп жауап береді: «Біріншісі,  жіп болып табылатын Алланың кітабы бір шеті Оның қолында, екінші шетінен сендердің қолыңда. Сондықтан Алланың кітабынан  ажырамаңдар. Екіншісі, менің отбасым. Маған ол екеуінің Құран Кәрім мен отбасымның қияметте Кәусардың қасына маған қосылғанша, бір-бірінен ажырамайтыны туралы хабар жетті. Сондықтан осы екі асыл аманаттан алыстамауды насихаттаймын».

Пайғамбардың «Ғадир» жердегі  сөздері төрт сағатқа жуық созылды. Хазірет  әртүрлі мәселелерді еске салып, оларға қатысты көптеген аяттарды оқыды. Содан соң сәл кідірді де, жан-жағына қарап отырып, қатты дауыспен Әлиді (ғ.с.) жанына шақырды. Пайғамбар алдымен Әлиді өзінен төменірек мінберге отырғызды және халыққа: «Осы уақытқа дейін Жәбірейіл  үш рет маған Алладан «сенен бұрынғы пайғамбарлардың барлығы өздерінің халифалары мен мұрагерлерін таныстырған, сондай-ақ менің атымнан Әлидің басшылығы мен басшылығын халыққа хабарлау керек» деген хабарды жеткізді»,- деді. Пайғамбар: «Уа, халайық! Алла Тағала: «Әй Пайғамбар! Раббың тарапынан түсірілгенді жалғастыр. Егер оны істемесең, елшілік міндетін жалғастырмаған боласың. Алла сені адамдардан қорғайды. Күдіксіз Алла қарсы болған елді тура жолға салмайды»,- деді.(«Мәида» сүресі, 67-ші аят).

Мен Алланың бұйырғанын орындадым. Жебрейіл үш рет қасыма түсіп,   осы жерде: Әли бен Әбиталибтың  менің бауырым, менің мұрагерім, үмметімнің мұрагері және менен кейінгі имам және  Алладан және Оның Елшісінен кейін басшыларың екенін жариялауға міндеттеді»,- деп сөзін жалғастырды.

Сол үлкен жиында Исламның ұық пайғамбары (с.ғ.с.) Әлидің (ғ.с.) қолын алып, жоғары көтеріп: «Уа, халайық! Мен өздеріңнен  «иман келтіргендерден істерді басқаруға  кім лайықтылау?» деп сұраймын. Халық бір ауыздан: «Алла және Оның елшісі дана»,- деп жауап берді. Пайғамбар (с.ғ.с): «Мен сендер үшін өздеріңнен лайықтырақ емеспін бе?»- деп сұрағын қайталады. Барша келісті. Содан соң хазірет Мұхаммад (с.ғ.с.): «Мен кім үшін басшысы әрі қамқоршысы болсам, Әли (ғ.с.) оның басшысы әрі қамқоршысы. Уа, Жаратушы! Әлидің досы және ізбасары болған  дос және Әлиге дұшпандық еткендерді дұшпан сана. Әлиді жақсы көргендерді, жақсы көр. Әлимен соғысқанды жазала!»- деді.

Ғадир Хомға жиналған халық тарқалмастан бұрын хазірет    Мұхаммадқа (с.ғ.с.)  «Мәида» сүресінің үшінші аяты жіберілді: «...Бүгін діндеріңді толықтастырдым және нығметімді тамамдадым. Сондай-ақ сендерге Ислам дінін қоштап ұнаттым...».