Иран зымыран экспорттау әлеуетіне ие
Иранның Қорғаныс және қарулы күштерді қолдау министрі: «Иран ішкі қажеттіліктерді қамтамасыз етумен қоса өзге елдерге зымыран экспорттайтын әлеуетке де ие» деді.
Бригада генералы сардар Хосейн Деһқан бүгін Иран ислам республикасының зымырандық негізде әртүрлі қашықтыққа қолданылатын және әртүрлі қирату қуаты бар, әрі алуан түрлі дәлдікпен ататын зымыран өндіре алатын деңгейге жеткенін қуаттап: «Иранның қорғаныстық жетістіктері дұшпандарға қарсы маңызды сақтандырушы факторы саналады» деді.
Иранның Қорғаныс министрі сондай- ақ Иранның әскери өнімдерінің бағасы мен сапасына тоқталып, Батыстың Иран халқына қарсы әділетсіз санкцияларына қарамастан, Иранның қорғаныстық өнімдерінің әлемнің ірі елдеріне экспортталатынын айтты.
Бригада генералы сардар Хосейн Деһқан соңғы жылдарда Иранның қару- жарақ өндірісінің 100 есеге ұлғайғанына сілтеме жасап: «Иранның Қорғаныс және қарулы күштерді қолдау министрлігі бүгінде Иранның құрлық күшіне қажетті барлық жабдықты өндіре алады» деді.
Иранның Қорғаныс және қарулы күштерді қолдау министрі Иранда қол жеткізілген ілгерілеушіліктерді Иранның ұлы халқының күрескер әрі жанкешті перзенттерінің еңбегінің нәтижесі деп атады.
