Буруджерди: Еуропа елдерінің "Ортақ қадам" жайлы сөздері Иранның қиындықтарын шешпейді
Иран Ислам Кеңесі Мәжілісінің Ұлттық қауіпсіздік және сыртқы саясат жөніндегі комиссиясының төрағасы: "Еуропа елдері басшыларының "Ортақ қадам" жайлы айтқан қолдау сөздері Иранның қиындықтарын шешпейді. Олар АҚШ-қа қарсы тұрып, өз міндеттемелерін жүзеге асыратындықтарын іс жүзінде көрсетуі тиіс",- деп баса айтты.
Алаэддин Буруджерди жексенбі күні Al Alam арнасына берген сұхбатында: "Иран еуропалықтардың АҚШ-тың "Ортақ қадамға" қатысты қысымдарымен күресіп, өз міндеттемелеріне берік екендігін көрсетуді күтіп отыр",- деді.
Иран Мәжілісінің Ұлттық қауіпсіздік жөніндегі комиссиясының төрағасы Иранның "Ортақ қадамға" дейінгі жағдайға қайта оралуына әзірлігін еске салып: "Иранның Атом қуаты ұйымы іс жүзіндегі қадамдарды жасау үшін қажет дайындық шараларын әзірлеп қойды",- деді.
Буруджерди АҚШ-тың ИИР-ның аймақтағы қуатын түсінгенін баяндап: "Аймақтық қуат америкалықтар назар аудармайтын тақырып емес. Сондықтан Иранның аймақтағы ықпалының бәсеңдеп, оның зымырандық әлеуеттен артқа шегінуі Иранның "қызыл сызығы" болса, АҚШ-тың армандарының бірі саналады",- деді.
