Амир Абдуллахиан: Ислам революциясы жетекшісінің көрегендігінің арқасында Иран-Қытай ынтымақтастық құжатына қол қойылды
Нау 28, 2021 14:40 Asia/Almaty
Иран Ислам Кеңесі Мәжілісі төрағасының халықаралық істер жөніндегі арнайы көмекшісі: «Ислам революциясы жетекшісінің көрегендігінің арқасында Иран-Қытай ынтымақтастық құжатына қол қойылды»,-деді.
Fars ақпарат агенттігінің хабарлауынша, Хусейн Амир Абдуллахиан Твиттердегі жеке парақшасында: «Ислам революциясы жетекшісінің қырағылығы мен көрегендігінің арқасында екі елдің жоғары басшыларының ерік-жігері мен Теһран-Бейжің стратегиялық қарым-қатынасы аясында екі елдің Сыртқы істер министрлері Иран мен Қытайдың 25 жылдық жан-жақты ынтымақтастық құжатына қол қойды»,-деп жазды.
Амир Абдуллахиан: «Осы көпқырлы маңызды құжат Иран мен Қытайдың дипломатиялық қарым-қатынасына 50 жыл толғанда қабылданып отыр»,-деді.
