Грузия Баку мен Ереван арасында араағайындық жасауға әзірлік танытты
Грузия армиясы бас штабының төрағасы Армения мен Әзірбайжан республикасы арасында араағайындық жасауға әзірлік танытты.
«Спутник» ақпарат агенттігінің хабарлауынша, Грузия армиясы бас штабының төрағасы Вахтанг Капанадзе дүйсенбі күні: «Тбилиси Армения және Әзірбайжан республикасымен достық байланыста. Сол себепті мүмкіндік болса бітімгер ретінде рөл атқаруға дайын. Грузия Қарабақ аймағындағы Армения мен Әзірбайжан республикасы арасындағы қақтығыстардың тезірек аяқталуын қалайды. Грузия Қарабақтағы жағдайды жақыннан қадағалап отыр» деді.
Вахтанг Капанадзе сондай- ақ өзінің армян және әзірбайжан әріптестерімен жақын байланыста болатынын мәлімдеді.
Жұма күні кештен бері Әзірбайжан республикасы мен Арменияның әскерилері Қарабақ аймағындағы байланыс сызықтары бойында қақтығысып, екі елдің осы аймаққа қатысты кикілжіңі қайтадан өршіді. Қарабақ дауы 1988 жылы Арменияның Әзірбайжан республикасына қарсы жер дауын қозғауымен басталды.
