Қарабақ қақтығысында адам шығыны артты
Әзірбайжан Республикасының ұшқышсыз ұшағының Арменияға шабуылы салдарынан 6 армян әскериі қаза тапты.
Әзірбайжан Республикасының «Модерн» интернет сайтының хабарлауы бойынша, бүгін, сейсенбі күні таңертең осы елдің ұшқышсыз ұшағының Қарабақ даулы аймағындағы армян күштерінің позициясына жасаған шабуылында 6 армян әскериі қаза тапқан.
Армения ақпарат құралдарының хабарлауы бойынша, Әзірбайжан Республикасы ұшқышсыз ұшағының армян ерікті күштерін тасымалдап, Қарабақтағы алғы шепке бет алған бір автобусқа жасаған шабуылы сарбаздардың қаза табуына әкеліп соқтырған.
Сондай-ақ, Әзірбайжан Республикасының «Виртуал» интернет сайтының хабарлауы бойынша, осы ел Қорғаныс министрлігі күштерінің амалдарында Ақдарре ауданындағы Мадагыз ауылы армян күштерінің қолынан азат етілді.
Арменияның Қорғаныс министрлігі Қарабақ қақтығысының алғы шебінде қаза болғандардың санын 20 адам деп жариялады. Ал бұл жағдайда Әзірбайжан Республикасы атысты тоқтату бітімін бұзудың таяудағы жайтында армян жағынан 60-тан аса адам қаза тапты деп жариялады.
