БҰҰ Түркияда зілзаладан зардап шеккен облыстарда дағдарысты жағдай қалыптасқанын ескертті
БҰҰ-ның дүниежүзілік азық-түлік бағдарламасының басшысы Түркияда зілзаладан зардап шеккен облыстардың жағдайын ақырзамандағыдай деп сипаттады.
The Sky News ақпарат агенттігінің хабарлауынша, Дэвид Бисли Түркияның оңтүстігінде орналасқан Хатай облысының орталығы Антакия қаласын аралағаннан кейін: "Көргенімді тек бір сөзбен сипаттай аламын: ақырзамандағыдай. Бұл қаланың қирау көлемі шынымен-ақ өте ауқымды",-деді.
Дэвид Бисли Сирияда 12 жыл бойы азаматтық соғыс болып жатқанына тоқталып: "Бұл елде зілзаладан зардап шеккендердің жағдайы – басқа апаттарға қосылған тағы бір апат",-деді.
Ол өз сөзінің тағы бір бөлігінде Сирияның солтүстігіне гуманитарлық көмек жіберуді ешбір шектеу мен кедергісіз жылдамдату және арттыру керегін айтып, барлық тараптардан осы аймаққа жылдам қолжетімділікті қамтамасыз етуді сұрады.
