Иранның кілем өнеркәсібі – жасампаздық пен ұжымдық талпыныстың нәтижесі; ирандықтардың ұлттық мәдениетінің көрінісі.

Иранның қолдан тоқылған ең көне кілемі "Пазирик" деген атпен танымал. Ол орыс археологы С.И.Руденконың 1949 жылы Сібір аймағындағы Пазирик сайында жүргізген қазба жұмыстары кезінде сақ патшаларының бірінің қабірінен табылған.

Бүгінде Иранның көптеген қалалары мен аймақтарында, соның ішінде Кашан, Керман, Құм, Табриз, Исфаһан, Мешхед, Түркаман Сахра және көшпенді тайпалар арасында нақышты, қымбат кілемдер тоқылады. Бұл кілемдерде қолданылған жобалар, нақыштар мен бояулар Иранның асыл өнеріне қызығушыларды өзіне баурап келеді.