Pars Today

Адамдарды өзгертуде махаббаттың рөлі зор. Сүйіспеншілік жүректің нәзіктігіне, сезімнің жұмсаруына, кішіпейілділікке, таланттардың оянуына және өркендеуіне, ерік-жігердің күшеюіне, қабылдау мен сезімнің дамуына және керісінше кек, көреалмаушылық пен қызғанышты жоюға әкеледі. Махаббат - тасты ерітіп, өркөкіректік тауларын құлатып, оларды қарапайым жазықтарға айналдыратын бірегей алхимия.

Махаббат құпияға толы және әлемде көптеген тартымдылықты тудырады. Шынайы махаббат әрбір жүрекке қонымды болады және  жүректі нәзіктікке толтырады. Сүйіспеншіліктен жалынды  махаббат  туындап, махаббат жырлары қалған.

Мистиктердің айтуынша, әлем Алланың сүйіспеншілігі мен махаббатының айналасында айналады және ғаламның бірде-бір бөлшегі Оның махаббатының шеңберінен тыс емес. Молла Садра Хаким Фарзаненің айтуынша, махаббат әлемдегі ең жұмбақ күштер мен күштердің бірі.

«Макарем Ахлақ» дұғасында айтылған және Алла Елшісінің (с.ғ.с.) әрекеттеріндеәдемі көрініс тапқан маңызды жайттардың бірі – шынайы махаббат.Адам Аллаға неғұрлым жақын болса, соғұрлым ол мейірімді және рақымды болады.Өйткені Алла Тағала махаббат пен кешірімділіктің қайнаған қайнар көзі және айқын бастауы. Сондықтан да Алла Елшісі (с.ғ.с.)  махаббат пен сүйіспеншіліктің үлгісі болып табылады.  Алла Елшісі  (с.ғ.с.)  соншалық мейірімді болған.  Алла Елшісінің (с.ғ.с.)  шынайы сүйіспеншілігінің арқасында көптеген адамдар, тіпті тас жүрек кәпірлер де иман келтіріп, тура жолға түскені тарихта айтылған. Хазіреттің пәк  жанұясының жүріс-тұрысында, мінез-құлқында өзгелерге деген сүйіспеншілік, мейірім, кешірім сияқты әдемі көріністер қалыптасқан,  бұл үлкен сабақ және үлгі.

Имам Саджад (ғ.с.) «Мәкарам ахлақ» дұғасының бір бөлімінде  шынайы махаббат пен осы таңғаларлық әрі әсерлі күшке тоқталып, Алладан  адамдарды мейірімді, кішіпейіл, жомарт ететіндей және  өшпенділік пен көреалмаушылықты алыстатындай терең  махаббатты сұрайды. «Уа, Алла! Мұхаммадқа (с.ғ.с.) және хазіреттің  әулетіне (ғ.с.)  салауат айт және... өшпенділер мен дұшпандарымның дұшпандығын  достыққа айналдыр. Қызғанып, құқықтарын бұзып, мені қыспаққа алғандардың қызғанышын жақындыққа айналдыр.  Тақуалардың маған деген күдігін аманатқа, жақындардың дұшпандығын достыққа, қарсылықтарыңды жақсы мінез-құлыққа, жақындардың  жалғыздығын көмек пен достыққа айналдыр. Уағ Алла, қызығын сырттай білдіретін,  бірақ қызығуы жүректен еместердің сыртқы  қызығуын шынайы махаббатқа айналдыра гөр.  Маған жақындардың, менің ұсыныстарымды қабылдамағандардың  мінез-құлқын өзгертіп, жомарттылыққа  айналдыр,  залымдардан қорқудың ащылығын  жеңілдіктің тәттілігіне айналдыр».  

Адамгершілік қасиеттер, ізеттіліктен, имандылықтан алшақ жүргендер кейде орынсыз сөздерімен, жүріс-тұрыстарымен өзгелерді оңай ренжітеді.  Олар кейде қызғаныш, кектің   салдарынан  қарсы тарапқа соққылар береді.  Имам Саджад (ғ.с.) дұғасының үзіндісінде Алладан өшпенділік пен көреалмаушылықты жақсылыққа, жамандықты және азғындықты жақындық пен мейірімділікке айналдыратын терең махаббат пен достықты сұрайды. Имам Саджад (ғ.с.) Алладан дұшпандардың, көреалмаушылық пен кектердің жүректерін жібітетін достық пен  сүйіспеншілікті сұрап қана қоймай, сонымен бірге Алладан достары мен туыстарының жүрегінде жұмыс жасап, жүріс-тұрыстарын  махаббат пен мейірімділікке толы етіп  өзгертуін сұрайды.