Рамазан айының рухани кеңістігі мен талпыныстарының аясында адам жаңа өмірге бет бұрады, яғни өз болмысына оралады. Адам пәк болмысымен дүниеге қайта келгендей болады.

Бірлік сақтап, қайшылықтардан алыстау – Алла елшісі мен пәк имамдардың, діни басшылардың басты мәселелерінің бірі. Құран Кәрім өзінің нұрлы аяттарында мұсылмандарды бірлікке шақырады: «Түп-түгел Алланың жібіне (дініне) жабысыңдар да бөлінбеңдер...». («Әл-Имран» сүресі, 103 аят).

Иран Ислам революциясының жетекшісі аятолла Хаменеи Қадір түнінің маңыздылығы туралы: «Негізінде ораза тұтатын мүміндер жаңа жылды Қадір түнінен бастайды. Қадір түніе оның алдағы бірылдық тағдыры анықталады. Адам жаңа жылға аяқ басып, жаңа кезеңде негізінде жаңа өмір бастайды»,- деген болатын.

Әлемнің барша мұсылмандарына хазірет Әли (ғ.с.)-ның шәһид болған күнінің жылдығына орай көңіл айтамыз.

Биылғы Рамазан айының күндерінің бірі Иран Ислам революциясының іргетасын қалаушы, көсем, имам Хомейнидің дүниеден озған күнінің жылдығымен тұспа-тұс келіп отыр.

Рамазан – кешірім мен тәубе және Аллаға оралатын ай. Өмірде қателесіп, өкініш пен шығыннан басқа нәтиже әкелмеген жолды таңдағандар үшін қасиетті Рамазан айы тәубе ету үшін ең жақсы мұрсат.

26-шы жыл қатарынан Рамазан айында Жаратушының халықты өз қонағы болуға шақыруымен тұспа-тұс Құран көрмесі де адамдарды нұр мен жарық дүниесіне шақырады. 50 мың текше метр кеңістіктегі Құран көрмесінен ғылым, өнер, балалар, әйелдер мен халықаралық бөлімдерге бөлінген түрлі-түсті кітаптарды көруге болады. 26-шы Құран көрмесі қасиетті Рамазан айының 4-19 күндері өтуде.

«Сахифе Саджадие» жинағы – негізінде өз Жаратушысымен сөйлесіп, ең әдемі илаһи тағылымдарды Алланың ғашықтары мен достарына дұға түрінде үйрететін кемел адамның сөздерінің жинағы.

Дұға – Алланың алдында құлшылық ету мен адамның ғибадат ету рухын нығайтуының көрінісі.

Ұлы Алланың қонағы болуға шақырылдық. Илаһи дастархан ең әдемі түрде жайылып, біз өз жігерімізге қарай осы нығметтерді пайдаланамыз. Қонақ күтуші бізді махаббатымен рақымы, нығметі мен берекесіне қарай шақырады. Сондықтан уа, Жаратушының қонақтары! Уа, ораза тұтушылар! Бұл қасиетті айда кешірім сұрап, тәубеге келіп, жақсылық жасауға асығып, Алланың шақыруына ләббейк айтыңдар.